En Òc sioplèt!



Année

las annadas de publicacion seguisson
lo ritme escolari de setembre a setembre
Annada 2023
Annada 2022
Annada 2021
Annada 2020
Annada 2019

Audio


Cossi legir l'occitan?
Comment lire l'occitan ?

A l'attention de ceux qui auraient envie d'apprendre a lire l'occitan correctement, je conseille de suivre la petite méthode d'Andrieu Lagarde que vous trouverez ici : http://lo-luquet-occitan.fr/?legir



La BA quotidiana

Èri a emplenar dos barralets de gasolina a la pompa del supermercat. Aviái levat la pòrta d’endarrièr de la 4L e pausat per tèrra la caissa que los i aviái recaptats. Aviái tornat penjar lo pistolet quand un òme d’un trentenat d’annadas, plan cande, se sarra.

- Tè, me diguèri benlèu que te ven far de rasonaments, que sèm a un moment qu’es defendut d’estocar carburant, o benlèu que son a te sospechar de voler fargar abarrejadisses – cocktails en francés - Molotov...

Los barralets tampats, coma m’aprestavi a tornar botar la caissa dins lo còfre de la veitura, me la tira dels dets e la bota en plaça.

-Anem, me diguèri, ara te va demandar una pèça en te contant los sius malastres !

Mas nani, l’òme se vira e se’n va. s’arrèsta a qualques mètres e me ditz;

- Serà la miá B.A. de la jornada...

Me cresiái pas autant vièlh e autant pietadós que lo monde se posquèsson pensar qu’èri pas capable de soslevar dètz quilòs !

- Anem, me diguèri, des còps que i a es pas aisit de trapar la B.A. de la jornada, e un paure vièlh coifat d’un berret que se’n va quèrre gasolina ambe la siá vièlha 4L, aquò pòt fa l’afar !

Qualques meses mai tard ausiguèri a la ràdio qu’un fadòrla aviá mancat d’espotir sus un passatge clavelat un avugle que traversava, la cana blanca levada e l’òme que lo teniá pel braç. Mas coma la veitura aviá trucat la cana - o la cana la veitura – l’enjaurit s’arrestèt e tustèt l’acompanhaire del avugle.

-Tè, me pensèri, es mens dangierós d’ajudar un vièlh a se cargar la 4L que non pas d’ajudar un avugle a traversar la carrièra.

tornar a la lista retour