En Òc sioplèt!



Année

las annadas de publicacion seguisson
lo ritme escolari de setembre a setembre
Annada 2023
Annada 2022
Annada 2021
Annada 2020
Annada 2019

Audio


Cossi legir l'occitan?
Comment lire l'occitan ?

A l'attention de ceux qui auraient envie d'apprendre a lire l'occitan correctement, je conseille de suivre la petite méthode d'Andrieu Lagarde que vous trouverez ici : http://lo-luquet-occitan.fr/?legir



L'esperit Charlie

Lo 7 de genièr, en sortissent de las fèstas , cinc ans aprèp los atemptats de 2015 contra lo « Charlie Hebdo », un jornal T.V. commemorèt aquela tragèdia. Parlèron plan segur de las victimas, dels subrevivents, dels terroristas, de las circonstàncias, sens se desbrembar las manifestacions que botèron dins las carrièras de totas las vilas del país sèt cent mila personas lo 10 de genièr e tres milions sèt cent mila l’endeman. « La mai bèla manifestacion de la nòstra istòria, un caminada « republicana » contra lo terrorisme, per la libertat de la premsa e la de l’expression ; una societat que se mobiliza e que defend çò qu’a de mai preciós ; cresents de totas las confessions, de totas las religions, atèus, tot un pòble unit non pas contra l’estat mas per afirmar la siá coesion », disián los comentators. « Soi Charlie, flic, josieu, musulman, crestian, soi la Republica, » legissián sus las pancartas.

S’arrestèron mai particularament sus la manifestacion de París que recampèt lo 11 de genièr dus milions de personas e que mobilizèt cinc mila cinc cents policièrs, (dus mila sèt cents pas que per encadrar lo cortègi). E nos tornèron mostrar los carris de polícia se desplaçant dins la molonada umana que los formavan una randissa d’onor, que los ovacionavan. Tornèron passar aquel imatge famós d’un òme que quita lo cortègi per avançar cap a un policièr e lo potonejar. « Nos defendon, nos aparan, se riscan la vida per nosautres, çò disiá, los admiri ! »

Los jornalistas que presentavan la retrospectiva se pausavan la question de saber çò que demorava d’aquel esperit qu’apelavan « Charlie ».

La responsa lor foguèt balhada dins lo meteis jornal, dins lo sicut que seguiguèt. Parlava del Cedric Chouviat, aquel corsièr, mòrt dus jorns abans, estofat, la gargamèla rompuda, aprèp un contraròtle policièr.

tornar a la lista retour