En Òc sioplèt!



Année

las annadas de publicacion seguisson
lo ritme escolari de setembre a setembre
Annada 2023
Annada 2022
Annada 2021
Annada 2020
Annada 2019

Audio


Cossi legir l'occitan?
Comment lire l'occitan ?

A l'attention de ceux qui auraient envie d'apprendre a lire l'occitan correctement, je conseille de suivre la petite méthode d'Andrieu Lagarde que vous trouverez ici : http://lo-luquet-occitan.fr/?legir



Copadura ciutadana

Sabiá, lo Guston, que d’unes demandavan un referendum a prepaus de la privatizacion de l’aeropòrt de París. Mas foguèt susprés quand aprenguèt d’un amic que per decret lo collectatge de las signaturas èra dubèrt dempuèi lo 13 de junh.

- Mas, li diguèt, digús ne parla pas ! Tu que fas de politica, siás al fial, mas los autres que ne fan pas?

Lo Guston, se pensava que coma pel Grand Debat Nacional i auriá registres dins las Comunas per i reculhir las signaturas.

-Nani, li diguèron quand telefonèt a la Comuna, la peticion se fa pas que sus internet, vos anam balhar lo site per que i posquatz anar per signar. E vos poirem ajudar se far mestièr...

- Un còp de mai, se pensèt lo Guston, los paures bogres qu’an pas d’ordinator, o que n’an un, mas que se nègan a cada còp qu’ensajan de navegar sus la tela, aqueles son entrepachats dins l’exercici democratic e la copadura numerica deven una copadura ciutadana.

Plan segur que se pòdon far ajudar a la Comuna, mas sens èstre segur çaquelà de se far pas enganar.

De mai lo siu amic informatician li expliquèt qu’èra pas aisit d’anar sul site governamental, e qu’aprèp per emplenar la peticion las trapèlas mancavan pas...

Pr’aquò, i tornava lo Guston, pel Grand Debat Nacional, totes los sants ajudavan : los mediàs, los registres dins las comunas, las amassadas, los quasèrns de doléncias e quitament lo President de la Republica que se’n anguèt dins de vilatjòts per poder reculhir la paraula dels ciutadans en cas que d’unes sabèsson pas escriure o n’agèsson pas enveja.

Fins finala, se lo President aviá pas mai d’un còp afirmat lo sius pensaments democratics, se podriá pensar que fan tot per encoratjar lo monde de se prononciar quand aquò los arrenga e de los descorar quand aquò los desrenga.

tornar a la lista retour